Bara dal lavurer sepulì è salvada
-
- Zoom
- Cun quel bagger telecumandà è la bara dal lavurer vegnida salvada (qua tar lavurs il venderdi). (Keystone)
A Gurtnellen han ins chattà la bara dal lavurer ch'è vegnì sepulì d'ina bova il mardi. La bara da l'um da 29 onns saja vegnida chattada sonda bunura a las 7, scriva la polizia chantunala da l'Uri.
El saja vegnì salva cun il chavaterra telecumandà ch'è dapi dus dis en acziun al lieu dal accident.
Lingia dal Gottard serrada per in mais
Suenter la bova a Gurtnellen avant tschintg dis resta la lingia dal Gottard serrada per in mais. Per il traffic da vitgira tschertga l'SBB anc adina rutas da sviar sur l'Austria u sur la Frantscha. (sda/uca)
