China vul puspè trametter 3 astronauts en il spazi
-
- Zoom
- Da la centrala a Jiuquan en la provinzia Gansu vul la China trametter l'emprima dunna chinesa en il spazi. (Keystone)
Anc quest mais vul la China trametter trais astronauts en il spazi. Tranter ils astronauts saja per l'emprima giada era ina dunna. Quai rapporta l'agentura da novitads statala da la China.
La partenza duai esser mez zercladur, la nav spaziala e la rachetta sajan gia vegnì transportads al center spazial en il nord-vest dal pajais.
Avant 9 onns esi grategià a la China da sajettar in astronaut en il spazi, quai sco terza naziun insumma. L'emprima staziun spaziala vul la China bajegiar enfin en 8 onns. (sda/uca)
