Damain inflaziun il matg
-
- Zoom
- Ils pretschs na creschan betg pli uschè fitg sco qua sin in martgà a Nanjing en la provinzia Jiangsu. (Keystone)
En la China è l'inflaziun sa reducida il matg. Ils pretschs èn creschids per 3%, quai èn 0,4% pli pauc che l'avrigl. Uschia la regenza Chinaisa.
Perquai ch'il creschament da l'economia è sa sbassà ha la regenza annunzià da pumpar daners en l'economia, quai cun scriver ora projects dal maun public. Uschia vul la regenza intimar las fatschentas da far investiziuns. Ier ha ella plinavant sbassà il pretsch dal benzin e dal diesel. (sda/uca)
