Mahmud Abbas vul meglier status tar l'ONU
-
- Zoom
- Il president da la Palestina Mahmud Abbas ed il president da la Frantscha François Hollande tar la conferenza da medias suenter ils discurs. (Reuters)
Sch'ils discurs da pasch cun l'Israel restan vinavant bloccads, lura vul il president dals Palestinais Machmud Abbas pretender in augment dal status dals Palestinais tar l'ONU. Quai ha Abbas ditg suenter in inscunter cun il president franzos Francois Hollande.
Il mument han ils Palestinais in status d'observatur tar las Naziuns Unidas. Per augmentar il status sin il status d'in stadi betg commember tanscha il consentiment da l'assamblea generala da l'ONU. Cun quai avessan ils Palestinais per exempel access a las dretgiras internaziunalas sco la dretgira penala internaziunala a Den Haag. (sda/uca)
