Ministers da finanzas tractan pachet d'agid per la Spagna
-
- Zoom
- Anc n'ha il minister da finanzas spagnol Luis de Guindos Jurado betg dumandà uffizialmain per agid ses collegas dals auters stadis da l'euro. (Keystone)
Ils ministers da finanzas da la zona da l'euro han cumenzà a discutar davart la crisa da las bancas spagnolas. A chaschun d'ina conferenza al telefon han ils ministers cusseglià, co la Spagna pudess vegnir sustegnida per salvar las bancas marodas.
La Spagna duai dentant survegnir maximalmain 100 milliardas euros. Ina dumonda uffiziala da vart spagnola per in agid finanzial na datti dentant anc betg.
Tenor in studi dal fond monetar internaziunal dovran las bancas spagnolas 40 milliardas euros (bunamain 50 milliardas francs) per pudair surviver. (sda/uca)
