Nagin paus - la violenza continuescha
-
- Zoom
- La populaziun sira porta a fossa las unfrendas da la violenza (foto dad in burgais da la Siria). (Keystone)
La Siria na vegn betg a ruaus. Tenor l'opposiziun hai dà cumbats questa notg en il sid da la Siria. Tar quels hajan almain 17 persunas pers la vita en la citad Daraa. Tranter las victimas sajan era dunnas ed uffants, uschia l'opposiziun. En la chapitala Damascus haja quai dà pliras explosiuns.
ONU cumenza ad observar
Dentant èn ils observaders da l'ONU arrivads en il lieu, nua che bunamain 80 persunas sajan vegnidas mazzacradas. Tenor ina pledadra da l'ONU vesian ins dapertut parts da corps mazzacrads. La regenza da la Siria fa responsabel terrorists, l'opposiziun di che milissas fidaivlas a la regenza hajan commess la mazzacra. (sda/uca)
