Russia parta suveran en il campiunadi europeic
-
- Zoom
- Alan Dsagojew celebrescha la victoria da la Russia cunter la Tschechia, nua ch'el ha fatg dus dals 4 gols. (Keystone)
La Russia ch'è stada en il mezfinal il 2008 ha victorisà la Tschechia cun 4:1. Gia suenter 24 minutas eri 2:0 cun gols da Alan Dsagojew e Roman Schirokow.
Al cumenzament è la Tschechia partida optimistica en la partida cunter la Russia ed ha giugà offensiv. La defensiun da la Russia ha dentant frenà tut. La finala ha Vaclav Pilar lura nudà il gol d'onur per la Tschechia en la minuta 52.
10 minutas avant la fin han lura dentant Alan Dsagojew e Roman Pawljutschenko decidì definitivamain la partida cun lur gols al 4:1 - il resultat final. (si/uca)
