Students demonstreschan cunter auzament da taxa
-
- Zoom
- (maletg simbolic) La polizia sto adina puspè guardar per ruaus tar las demonstraziuns. (Reuters)
Era curt avant il grond premi dal Canada da la furmla 1 cuntinueschan las protestas a Montreal. Cun in grond dumber da policists han las autoritads pudì tegnair sut controlla ils demonstrants, rapportan medias localas.
Dapi emnas datti adina puspè demonstraziuns a Montreal en la provinza Quebec. Students protesteschan cunter l'augment da las taxas da studi. Plinavant sa dostan els cunter ina lescha che restrenscha il dretg da demonstraziun. Ils demonstrants avevan gia annunzià avant in temp ch'els veglian nizzegiar la cursa da furmla 1 per far attent sin lur pretensiuns. (sda/uca)
