ASTAG pretenda mesiras urgentas al Gottard
-
- Zoom
- L'ASTAG vul schluccar las reglas per ils transports, damai che la lingia dal Gottard da la Viafier federala resta bloccada per in mais. (Keystone)
Perquai che la lingia dal Gottard da la viafier federala è bloccada per almain quatter emnas, pretenda l'associaziun svizra da la branscha da transport ASTAG mesiras d'urgenza dal Cussegl federal.
Dasper lubientschas per charrar la notg e la midada ad interim dal sistem da dosar per ils camiuns, pretenda l'ASTAG era che las prescripziuns vegnan schluccadas per il transport da rauba medicinala e privlusa.
Plinavant stoppian las lavurs da sanaziun dal tunnel da via dal Gottard vegnir spustadas. La bova a Gurtnellen mussia con fragilas che las vias da transit sajan. Perquai saja la construcziun d'in segund tunnel da via tras il Gottard absolut necessaria. (sda/uca)
