Elecziuns parlamentaras sin ballantscha
-
- Zoom
- Per motivs logistics duain las elecziuns en la Libia vegnir spustadas. (Reuters)
En la Libia vegn l'elecziun da l'assamblea constituenta probablamain spustada. Empè da mez zercladur pudess l'elecziun esser pir in mais pli tard. Quai ha ditg in commember da la cumissiun electorala statala a l'agentura da novitads AFP.
La raschun sajan problems logistics. Il schef da la cumissiun electorala na vuleva betg confirmar la spustada. El ha dentant annunzia ina conferenza da medias anc dumengia.
Il process da democratisaziun en la Libia prevesa ch'i dat in onn suenter l'elecziun da l'assamblea constituenta elecziuns parlamentaras e presidialas. (sda/uca)
