La Spagna è cun quai suenter l'Irlanda, il Portugal e la Grezia il quart pajais che dovra daners ord il fond da salvament per l'euro.

IWF e Stadis Unids cuntents cun la decisiun

Il Fond monetar internaziunal IWF ed ils Stadis unids da l'America beneventan la decisiun dals ministers da finanzas dals pajais da l'euro da sustegnair las bancas spagnolas. Quai sustegnia las mesiras da la regenza spagnola per stabilisar il sistem da bancas, ha ditg la scheffa da l'IWF Christine Lagarde.

L'autezza da 100 milliardas euro (120 milliardas francs) ch'ils pajais da l'euro vulan metter a disposiziun correspundia a la recumandaziun da l'IWF. Che la Spagna haja dumandà per agid è per Timothy Geithner, il minister da finanzas dals Stadis Unids, in pass concret sin la via tar in'uniun fiscala che saja d'impurtanza vitala per la solidaritad entaifer la zona da l'euro. (sda/uca)