Candinas vul daners per abitaziuns secundaras turisticas
-
- Zoom
- Martin Candinas da Rabius, il cusseglier naziunal cristiandemocrat. (ANR, H. Huonder)
In terz dals 300 milliuns francs che la confederaziun metta a disposiziun mintg'onn per sanaziuns energeticas da bajetgs duai vegnir da bun a las abitaziuns secundaras turisticas. Quai pretenda il cusseglier naziunal cristiandemocrat Martin Candinas en ina moziun ch'el ha inoltrà per mauns dal cussegl federal.
Ina gronda part da las abitaziuns secundaras turisticas dals onns 60 e 70 sajan isoladas mal, ma vegnian tuttina stgaudadas l'enviern, era sch'ellas na sajan betg occupadas.
Martin Candinas quinta che sia moziun pudessi era dar impuls a la branscha da construcziun en las regiuns turisticas che sajan pertutgadas da l'iniziativa per limitar la construcziun d'abitaziuns secundaras. La moziun è vegnida suttascritta da politichers da dretg e sanester. (aw/cs/rtr)
