Per la Grezia è il campiunadi tant sco a fin
-
- Zoom
- La Grezia ha suenter dus gieus be in punct sin il conto. (Reuters)
Per la Grezia, il campiun d’Europa dal 2004, pudess l’Euro 2012 en la Pologna e l’Ucraina gia esser a fin suenter la fasa da gruppa. Ils grecs han pers il segund gieu da gruppa encunter la Tschechia cun 1:2.
La Tschechia ha cumenza fulminant il gieu encunter la Grezia. Gia suenter 6 minutas manavan ils tschecs cun 2:0, quai grazia a gols da Petr Jiracek e Vaclav Pilar. En la 53avla minuta ha Theofanis Gekas pudì scursanir per ils grecs. En il davos gieu da gruppa frunta la Tschechia sin l’ospitant la Pologna, la Grezia cumbatta encunter la Russia. (aw/sda)
