Tenor rapports da medias è Schleck cupitgà en il Tour dal Dauphiné Libéré ed ha rut in oss da la batschida. Andy Schleck sto ussa quintar cun ina pausa da bun 6 emnas.

Cunquai manchenta el la pli impurtanta cursa da la stagiun, il Tour de France che cumenza ils 30 da zercladur e dura 3 emnas. Schleck, il collega d’equipa da Fabian Cancellara, valeva sco in dals gronds favurits.

Andy Schleck ha terminà il Tour de France trais giadas sin il segund plaz. Pir dacurt è Schleck dentant vegnì declerà sco victur dal Tour 2010, perquai ch’il ciclist spagnol Alberto Contador è vegnì disqualifitgà pervi da doping.

(fa/aw/rtr)