Bunas cifras per il pass da skis
-
- Zoom
- Edgar Welti, Martin Hug ed Oliver Wirz furman la suprastanza da las pendicularas Surselva. (RTR,L.Livers)
Il pass da skis Surselva resta vinavant in'istorgia da success per l’uniun pendicularas Surselva. 1,2 milliuns francs svieuta e 1'200 pass vendids èn las cifras da quest onn.
Il pass da skis Surselva cumpiglia las pendicularas da Sedrun/Andermatt, Mustér, Breil, Sursaissa, Mundaun, Val s. Pieder e l’Arena Alva. Mintg’onn è il dumber da pass vendids creschids, quest onn per 4%.
Sco quai che Martin Hug, il president da la uniun pendicularas Surselva di, na vegnia quella cifra betg a crescher pli marcantamain.
La carta da plirs dis per l’entira Surselva, il pli nov product ch’è vegnì lantschà l’onn 2011/2012 vegn taxà sco bun. Cun var 400 da quellas cartas cun ina valita en media da sis dis, saja quai anc pussaivel da meglierar quest product.
(ll/fa/rtr)
