Cussegl naziunal debattescha lescha d’asil
-
- Zoom
- La ministra da giustia Simonetta Sommaruga vul: dar la protecziun necessaria a fugitivs, che las proceduras d’asil giajan speditiv e cumbatter consequentamain maldiever. (Keystone)
Il cussegl naziunal ha cumenzà a debattar la revisiun da la lescha d’asil. Las partidas burgaisas pledeschan per mesiras drasticas per rinforzar la lescha d'asil, entant che la sanestra admonescha da betg strapatschar la lescha.
Tranter auter ha il cussegl da decider sche requirents d’asil survegnan en l’avegnir be pli agid minimal empè d’agid social.
Planisà era oriundamain be ina pitschna revisiun. Sin giavisch dal parlament, ha la ministra da giustia Simonetta Sommaruga preschentà ina proposta cun mesiras ch’ins po realisar a curt temp. Uss vegn quella augmentada ad ina revisiun pli gronda.
En discussiun stat era l’aboliziun da l’asil da famiglia. Be tgi che ha sez in motiv da fugir, duai vegnir renconuschì sco fugitiv. Commembers da famiglia na duain betg survegnir automaticamain asil. Quella midada ha la cumissiun approvà.
La debatta davart la revisiun da la lescha d’asil cuntinuescha anc fin damaun.
(fa/sda)
