El vegnia ad esser vicepresident dal cussegl d'administraziun e suttastar direct al schef da concern Laurence Fink, ha communitgà Blackrock a Londra. Hildebrand cumenzà l'october e duai tgirar davent da Londra clients impurtants da l'Europa, il Proxim orient, l'Africa e l'Asia.

Hildebrand aveva demissiunà sco president dal cussegl da la banca naziunala svizra, suenter che fatschentas dispittaivlas da sia dunna eran vegnidas enconuschentas il schaner. Ina examinaziun da la banca naziunala sezza aveva silsuenter concludì ch'el n'haja betg cuntrafatg a las perscripziuns.

Pli tard ha la banca naziunala decidì reglas pli strictas per las fatschentas da collavuraturs. (sda/uca)