Politica d’asil

Na a champs d’internament per requirents d’asil

  • Publicaziun: 13-06-2012, 16.50

Requirents d'asil che disturban l'urden public na duain betg ir en champs d'internament, sco quai che la PPS e la Lega avevan pretendì.

Els duain dentant vegnir dischlocads en centers spezials. Quai ha il cussegl naziunal decidì cun 136 cunter 54 vuschs. Cunter la proposta da centers spezials èn la PS ed ils Verds s'exprimids. Els discurran d'in arrest administrativ.

Betg abolir asil da famiglias
Asil per entiras famiglias duai er vinavant esser pussaivel en Svizra. Il cussegl naziunal ha ditg piz a cup gea ad asil per conjugals e lur uffants. L'asil vala dentant mo per la famiglia, betg per ulteriurs parents da la famiglia. Fin ussa survegnivan ulteriurs parents asil sut circumstanzas extraordinarias.

(fa/sda)