Polizia arresta 10 suspectads d'attentats cun brevs explosivas
En l'Italia ha la polizia arrestà 10 persunas che vegnan suspectads d'avair tramess brevs explosivas a retschaviders prominents.
Tranter auter duain ils 10 suspectads avair attatgà in uffizi da taglia. Il schef da quest uffizi era vegnì blessà grevamain. La gruppa duai er esser responsabla per la brev explosiva a Josef Ackermann ch'era da quel temp anc schef da la Banca tudestga. Questa avevan las instanzas dentant pudì bloccar. (sda/uca)
