L'ASCO ha surdà mardi passà a Turitg per la 7avla giada ils premis per projects innovativs.

En quest connex gudognan la Claustra da Mustér e la Kappler Management SA da Hedingen en il chantun Turitg il premi spezial da la giuria.

Communablamain han els elavurà in plan da master per megliurar a lunga vista la situaziun da las entradas da la claustra.

L'ASCO è l’associaziun dals cussegliaders d’interpresas da la Svizra. Ella represchenta 2200 cussegliadras e cussegliaders sin il sectur da la consultaziun da management classica.

Il premi ch’ella surdat onn per onn è la pli auta distincziun da la branscha.

(fa/cdp/anr)