Quai vulan ins cuntanscher cun far in’istorgia da la citad. Il project Anna Catrina sa cumpona da trais parts. L’emprima part, scriver ils cudeschs che cuntegnan l’istorgia da Glion, ha cumenzà.

Ils istorichers han cumenzà quest mais las retschertgas. Sche tut va bain duessan ils quatter cudeschs cumparair la primavaira 2014.

Sco quai che Rino Caduff, il president da la citad da Glion ha ditg, sajan ins uss a la tschertga d’in autur che scriva ils romans, che sa basan sin l’istorgia da la citad. Quai è lura la segunda part dal project Anna Catrina. En quels romans accumpogna la figura fictiva Anna Catrina il lectur.

Pli tard duai l’istorgia da la citad da Glion vegnir inscenada sin tribuna. Quai è la terza part dal project.

(sm/rtr)