Plinavant vul il cussegl naziunal betg acceptar motivs d'asil ch'èn sa resultats pervi dal cumportament suenter la fugia.

Era cunter persunas che sa zuppan en Svizra vul il cussegl naziunal instradar mesiras rigurusas. A tgi che stat betg a disposiziun a chantun e confederaziun durant pli che 20 dis e senza inditgar motivs, vegni stritgà la dumonda d'asil. La proxima dumonda po questa persuna pir far trais onns pli tard.

In ulteriur punct ch'il cussegl naziunal ha decidì è da betg conceder asil d'ambassada pli. En quest punct è el suandà las propostas dal cussegl federal e dal cussegl dals chantuns.

GSoA: dar asil a tuts deserturs sirics
La gruppa per ina Svizra senz'armada è trumpada da la decisiun dal cussegl naziunal da betg dar asil a persunas che refusan il servetsch militar. Gist en il cas da la Siria haja quai consequenzas fatalas. La GSoA propona perquai da dar asil a tut ils deserturs da la Siria.

(fa/sda)