Scumond da sortida suenter cravals
-
- Zoom
- Unitad da la polizia da Tunis che vul schliar ils cravals en il district Ettadhamen a Tunis. (Reuters)
En la Tunesia datti en pliras regiuns in scumond da sortir la notg suenter cravals en la chapitala Tunis. Il scumond da sortir vala davent la saira las indesch enfin la damaun las set, ha communitgà il ministeri per fatgs da l'intern.
En ils cravals a Tunis il mardi notg èn blessadas dapli che 100 persunas e 160 ha la polizia arrestà. In pèr tschients salafists radical-islamics han fatg ina battaglia cun la polizia. (sda/uca)
