Avunda medicaments da cancer en Grischun
-
- Zoom
- La mancanza da medicaments da cancer en Svizra è il mument acuta. (Keystone)
Il provediment da medicaments da cancer è garantì en il Grischun. E quai vegni tenor l’opiniun da la regenza er a restar il proxim temp uschia, ha il cusseglier guvernativ Christian Rathgeb respundì ina dumonda dal cussegl grond.
La regenza saja da l’opiniun ch’i sa tracta be d’in fenomen temporar e che la producziun vegnia adattada a la dumonda.
La mancanza da medicaments da cancer en Svizra è il mument numnadamain acuta - tranter auter pervia da la bassa producziun da differentas materias primas. Il problem datti er en ils ospitals grischuns. (gc/rtr)
