Solar Impulse interrumpa sgol
-
- Zoom
- La Solar Impulse ha stuì interrumper ses sgol pervi da ferms vents. (Keystone)
Pervi da ferms vents e turbulenzas, ha l’aviun solar Solar Impulse stuì interrumper ses sgol da Rabat a Ouarzazate en il sid dal Maroc.
Il suentermezdi è il pilot André Borschberg returnà a Rabat. La Solar Impulse era gia passada Casablanca ed era en viadi en direcziun Marrakesch, cura che las relaziuns da sgular èn s’agravadas.
Tant l’aviun sco er il pilot n’èn betg stads insacur en privel. Quai tenor la pagina d’internet da Solar Impulse.
La Solar Impulse era partida la damaun a Rabat.
(fa/sda)
