Vincente del Bosque ha prolungà contract
-
- Zoom
- Vincente del Bosque restra trenader da l'equipa spagnola enfin il 2014. (Reuters)
Vicente del Bosque ha prolungà ses contract sco trenader da la naziunala spagnola da ballape enfin il campiunadi mundial da ballape il 2014 en la Brasilia.
Sut del Bosque ha la Spagna festivà ils pli gronds success enfin oz. Avant dus onns en l’Africa dal Sid ha l’anteriur giugader da Real Madrid manà ils spagnols a l’emprim titel da campiun mundial.
Ussa a l’Euro en la Pologna ed en l’Ucraina vul del Bosque gudagnar il proxim titel ed uschia realisar in hattrick, insatge che n’è anc mai reussì ad ina naziunala da ballape. (sd/si)
