Beatrice Baselgia reelegida
-
- Zoom
- Beatrice Baselgia. (RTR, G. Hosang)
Las vischinas ed ils vischins da Domat han reelegì lur presidenta communala Beatrice Baselgia-Brunner. Ella ha cuntanschì in resultat da 971 vuschs tar in absolut pli da 521.
Reelegids, respectivamain elegids en suprastanza communala èn Guido Spescha, Angela Casanova, Gabriela Aschwanden ed Armin Tanner.
En il cussegl da scola èn elegids: Venanz Federspiel, Denise Flury, Mario Beer e Daniel Kunfermann. Manchentà l'elecziun han Andreas Former, Sibilla Stolz ed Anka Obrist.
Chasa da scola Tuma Platta vegn engrondida
Plinavant ha la vischnanca da Domat decidì da sanar e d'engrondir la chasa da scola Tuma Platta. 1227 han ditg gea e 300 na. La revisiun totala da la planisaziun locala ha il suveran da Domat approvà cun 989 vuschs gea cunter 435 na.
(fa/rtr)
