18.17

en las elecziuns dal parlament en la Grezia han ils conservatics Neue Demokratie (ND) ed ils sanesters extrems Syriza tenor retschertgas tuttina bleras vuschs. Omadus han survegnì tranter 27 e 30.5% da las vuschs. La partida sociala Pasok è sin plaz 3 cun be 12%. (sd/sda)

16.36

L'Egipta ha elegì in nov president questa fin d'emna. Quai dentant en in clima da gronda disfidanza. Observaders dals dus candidats han passentà la notg avant blers locals da votaziun per impedir che l'elecziun vegnia sfalsifitgada e che urnas vegnian enguladas.
Suenter l'emprim di d'elecziun ha la cumissiun electorala declerà che l'elecziun saja succedida a moda schubra.

Resultads na datti fin ussa anc nagins. Ins spetga dentant in'elecziun piz a cup tranter il candidat dals frars muslims, Mohammed Mursi, e l'anteriur prim minister Ahmed Shafik.
 

10.57

Las Grecas ed ils Grecs elegian oz per la segunda giada entaifer 6 emnas in nov parlament. Il votum vala sco referendum davart l'avegnir dal pajais en la zona da l'euro.

Tenor las pli novas retschertgas datti ina cursa piz a cup tranter la partida conservativa Nea Dimokratia e la sanestra radicala Syriza. Ils conservativs èn per il curs da spargn, entant che Syriza vul contractar da nov l'agid finanzial e spargnar pli pauc. (sd/sda)