Moto GP

Tom Lüthi be 8avel a Silverstone

  • Publicaziun: 17-06-2012, 13.23

Al Grond Premi da l’Engalterra a Silverstone ha il pilot bernais da töf Tom Lüthi stuì sa cuntentar cun l’otgavel plaz en la categoria da Moto2. Gudagnà ha il spagnol Pol Espargaro avant il brit Scott Redding ed il spagnol Marc Marquez.

Marc Marquez nov leader


A la testa dal classament general hai dà ina midada. Nov leader è il spagnol Marc Marquez cun 102 puncts. Tom Lüthi è terz cun 96 puncts.

 

 

Lorenzo distanziescha ses concurrents


En la classa roiala, la categoria da MotoGP, hail spagnol Jorge Lorenzo triumfà ina gia dapli . Lorenzo ha gudagnà avant ses grond rival per il titel da campiun mundial, l’australian Casey Stoner. Terz è il spagnol Dani Pedrosa. Il star talian Valentino Rossi ha stuì sa cuntentar cun il 9avel plaz. En il classament general ha Jorge Lorenzo 140 puncts sin ses conto suenter 6 da 18 cursas. Segund è Casey Stoner cun 115 puncts, terz Dani Pedrosa cun 101 punct. (sd/si)

 

 

Classament dal GP Silverstone, Moto2, 17-06-2012

 

1. Pol Espargaro (Sp), Kalex, 38:29,792

2. Scott Redding (Gb), Kalex, +1,462

3. Marc Marquez (Sp), Suter, +1,521

8. Tom Lüthi (Sz), Suter, +7,689

9. Dominique Aegerter (Sz), Suter, +15,847

14. Randy Krummenacher (Sz), Kalex, +23,236

29. Marco Colandrea (Sz), FTR, 1 runda enavos
 

Stan dal campiunadi mundial:

1. Marc Marquez, Spagna 102 puncts

2. Pol Espargaro, Spagna 96 puncts

3. Tom Lüthi, Svizra 96 puncts