Rui Costa gudogna il Tour de Suisse 2012
-
- Zoom
- Rui Costa tar l'etappa dad ier fin Arosa. (Reuters)
Rui Costa ha gudagnà il classament general dal 76avel Tour de Suisse. Il ciclist da 25 onns dal Portugal ha pudì defender a moda spectaculara ses trikot da leader en la davosa etappa da 216 kilometers da Näfels a Sörenberg.
Rui Costa gudogna il Tour de Suisse be cun 14 secundas avantatg sin Fränk Schleck dal Luxemburg e 21 secunda avantatg sin l’american Levi Leipheimer. Meglier svizzer è vegnì Mathias Frank sco 12avel cun in retard da 2:21 min.
Per Rui Costa è il triumf al Tour de Suisse 2012 il pli grond success en sia carriera. El è plinavant era l'emprim ciclist portugais che gudogna il TdS. Il Portugais aveva gudagnà la secunda etappa vers Verbier e gist era surpiglià la testa dal classament general. Suenter ha Rui Costa pudì defender l’emprim plaz fin a la fin.
La 9avla e davosa etappa, l’etappa roiala vers Sörenberga ha gudagnà Tanel Kangert da l’Estonia, duas secundas avant il franzos Jérémy Roy. Terz cun passa ina mesa minuta retard è vegnì il talian Matteo Montaguti. (aw/rtr)
