L'Uniun dals Grischs, la Surselva Romontscha e l'Uniun per la Litteratura Rumantscha avessan gugent in president o da las atgnas retschas. Quai han las uniuns decidì a chaschun da lur radunanzas generalas. Tut las uniuns lessan sa participar activamain a l'elecziun l'october. Il mument èn las trais uniuns sin la tschertga da candidatas e candidats adattai, ì vegn manà tractativas e fatg discussiuns. Nums da candidatas u candidats pussaivels less dentant anc nagin tradir.

Dentant ha mintga uniun ina clara visiun, tge profil ch'il candidat u la candidata per il presidi da la Lia Rumantscha stuess avair.

L'Uniun dals Grischs giavischa in president u ina presidenta che rinforza il spert da cuminanza da la Rumantschia. La Surselva Romontscha spera sin ina persuna che trai il char rumantsch cun in ferm maun, sin ina via che plascha a tuts. E l'Uniun per la Litteratura Rumantscha favurisescha in candidat u ina candidata che s'interessescha era per la litteratura, u la cultura en general.

La tschertga da candidats e candidatas che adempleschan tut ils criteris n'è betg simpla. Dentant han la presidenta da l'Uniun dals Grischs, Maria Sedlacek, e la presidenta da la Surselva Romontscha, Annalisa Cathomas, tradì ch'ì dettia intgins candidats e candidatas che s'interesseschian per quai post.

L'elecziun dal nov president u da la nova presidenta da la Lia Rumantscha è l'october.
 

(ah/rtr)