A l’Euro 2012 pudessan ils Grecs puspè procurar per uschè ina gronda sensaziun. Quai sche la Grezia dumagnass questa saira en il quart final a Danzig la Germania, in dals gronds favurits per il titel.

Sch’i va dentant tenor la statistica, lura n’ha la Grezia nagina schanza cunter la Germania. La Grezia n’ha numnadamain anc mai gudagnà cunter ils Tudestgs. Perquai patratgan ils Tudestgs era gia vi dal mezfinal, els na san gnanc s’imaginar da perder cunter ils Grecs. Quai pudess forsa esser ina pitschna schanza per la Grezia, els pudessan vegnir sutstimads.

Ils Grecs procurassan gugent ina giada per lingias grassas positivas en la gasettas. En l’economia ed ella politica ha la Grezia procurà per avunda lingias grassas negativas.

Il quart final Germania-Grezia cumenza las 20:45.

(fa/rtr)