Tranter ils candidats per il titel s’udivan dentant era ils 2 ulteriurs mezfinalists, l’Italia ed il Portugal. Vai tenor il palpiri vegnissi dumengia saira, ils 1 da fanadur, tar il final Spagna – Germania. I fiss il medem final sco gia al davos campiunadi d’Europa en la Svizra e l’Austria.


Revantscha per terrada

Avant 4 onns avevan ils spagnols gudagnà il titel. La Germania vuless dentant gugent far revantscha per la terrada da 0:1 il 2008. Gudagnar il titel vul dentant era l’Italia, i fiss l’emprim dapi il 1968.

Anc mai pudì triumfar ha enfin oz il Portugal. Al campiunadi d’Europa 2004 avevan ils Portugais pers il final encunter la Grezia cun 0:1. Igl è stà la suletta giada ch’il Portugal ha giugà il final da l’Euro. (aw/gc/rtr)