Igl è ina dira terrada per il Portugal. Surtut en las emprimas 90 minutas han ils Portugais tegnì pitg als Spagnols ed era gì pliras schanzas da sajettar gols. Cristiano Ronaldo ha manchentà curt avant la fin da far il gol decisiv. Pir en la prolungaziun èn ils Spagnols lura stads in pau megliers ch’il Portugal. Cun trair penaltis han ils Portugais lura gì discletg. Entant che Bruno Alves ha tutgà mo la pitga, ha il spagnol Cesc Fabregas nizzegià il penalti decisiv. (aw/ra/rtr)