Contract da fusiun e messadi èn pinads
-
- Zoom
- Ils 16 da november 2012 han las vischnancas da decider en chaussa. (RTR, E. Caduff)
Las davosas emnas han las vischnancas gì la pussaivladad d’annunziar giavischs per midadas en il contract da fusiun ed en il messadi. Da quella pussaivladad han pliras vischnancas fatg diever, sco quai che Roman Cantieni, responsabel per la communicaziun dal project Glion Plus ha ditg.
Uss èn il contract da fusiun ed il messadi surlavurads. L’atun vegni a dar radunanzas d’orientaziun en las singulas vischnancas. Ils 16 da november 2012 han las vischnancas lura da decider davart la fusiun.
14 vischnancas èn en il project da fusiun Glion Plus: Castrisch, Duvin, Glion, Ladir, Luven, Pigniu, Pitasch, Riein, Rueun, Ruschein, Schluein, Schnaus, Sevgein e Siat. (sm/rtr)
