Balotelli sajetta l’Italia en il final da l’Euro
L'Italia ha gudagnà il mezfinal cunter la Germania cun 2:1. En l'emprima mesadad ha l'attatgader talian Mario Balotelli sajettà 2 gols per la squadra Azzurra - quai en la 20avla e la 36avla minuta.
L'equipa tudestga da Joachim Löw n'è betg stada buna per impedir la sperdita. En la 92avla minuta ha Mesut Özil pudì sajettar il 2:1 grazia ad in penalti. Quai è dentant stà memia tard per pudair midar il resultat final. (hs/gc/sda)
