L'accident e capità ier suentermezdi curt suenter las trais. In um segava in prà. Cura ch'el è charrà enavos cun la maschina agricula, è il mat vegnì sut quella en. Cun grevas blessuras ha la Rega sgulà il mat en l'ospital chantunal a Cuira, nua ch'el è mort paucas uras pli tard. La procura publica intercurescha il cas.

Paul Accola manischava il motor da segar

Tar il manischunz dal motor da segar sa tracti da l’anteriur skiunz da Tavau, Paul Accola. Accola, ch’ha sez trais uffants da 4, 7 e 10 onns, saja ferm schoccà. Quai ha Accola scrit sin sia pagina d’internet. A la famiglia dal mat sa disgrazià condolescha Accola cordialmain. (fc/aw/pocha gr)