Stoffel è vegnì sentenzià per gestiun malfidaivla
-
- Zoom
- Remo Stoffel durant il di da process a San Murezzan. (RTR)
Il finanzier Remo Stoffel ch’è enconuschent sco cumprader da l’hotel Terme a Val è vegni sentenzià dal tribunal dal district Malögia per gestiun malfidaivla en connex cun il concurs dal café Puntschella a Puntraschigna dal 2005.
Stoffel è sentenzià ad in chasti cundiziunà sin dus onns da 240‘000 francs e ad ina multa da 10‘000 francs. En il segund punct d’accusaziun, d’avair retratg daners da crediturs ord la massa da concurs è el vegnì declerà innocent. Remo Stoffel ha uss 10 dis temp per far recurs cunter la sentenzia. Remo Stoffel ha gia annunzià ch'el fetschia recurs cunter la sentenzia. (aw/ht/rtr)
