Per mantegnair la resgia avess la vischnanca stuì investir plirs 100'000 francs. Quai na saja betg pussaivel per ina vischnanca sco Fideris, ha ditg la presidenta communala Marianne Flury-Lietha.

A Fideris planiseschan dentant divers selviculturs dal Partenz ed exponents da l'industria da laina tenor retschertgas dad RTR gia ina nova resgia - ina resgia regiunala.

Venderdi saira han ils preschents era approvà il project per ina fermada d'autos da posta ad Au. Dals custs da bun 50'000 francs surpiglia la vischnanca 13'000 francs. (gc/cdp)