Thomas Meier resta president da Visit Vals
-
- Zoom
- L'organisaziun da turissem da Val, Visit Val, vegn vinavant timunada da Thomas Meier. (RTR,L.Livers)
A Val ha la critica envers il president da l'organisaziun da turissem Visit Vals gì naginas consequenzas. Thomas Meier resta il president da Visit Vals enfin sia demissiun ordinaria il fanadur.
A la radunanza generala extraordinaria da l'uniun è la nunreelecziun tractandada vegnida sbittada cun 66 cunter 20 vuschs, scriva la Südostschweiz sin sia pagina d'internet.
La raschun per las dispitas è la pli nova ediziun da la revista dal vitg e da giasts Tschifera. Quella preschenta ina cronologia dals schabetgs enturn la vendita dal hotel Therme. (gc/so)
