Ils gols han sajettà en la 14avla minuta David Silva, en la 41avla minuta Jordi Alba, en l'84avla minuta Fernando Torres ed en l'88avla minuta Juan Mata.

L'equipa naziunala da la Spagna scriva uschia istorgia. Per l'emprima giada grategia ad in pajais da defender il titel da campiun d'Europa da ballape. La Spagna è ussa campiun mundial e dubel campiun d'Europa.

(ra/fa/rtr)
 

Ils Spagnols fan festa sin las vias da Cuira

Malgrà ch’ils fans talians èn stadas daplirs durant la partida da final da l'Euro 2012, han ils victurs spagnols pudì far stremblir las giassas da Cuira. E suenter la fin da la partida han ils fans schizunt bloccà la Grabenstrasse da Cuira, entant ch’il corso d'autos ha tibà dad aut.