Grischun 2022 generescha investiziuns d’infrastructura dad 1,5 mia. francs
-
- Zoom
- L’Uniun Grischun 2022 ha fatg in’emprima stimaziun dals custs per l’execuziun dals gieus olimpics en Svizra. Ella fa quint cun custs totals da 2,8 milliardas francs. (wikipedia.org)
Cun entradas dad 1,5 milliardas francs ston ins per il mument calcular cun expensas dad 1,3 milliardas francs. Gieus olimpics generassan investiziuns dad ina milliarda e mez.
Quels daners vegnissan investids surtut en l’infrastructura per il traffic, prioritarmain en il traffic public, ed en edifizis per il turissem ed il sport.
Ins ha era fatg in preventiv per ils custs da candidatura. Quel importa 60 milliuns francs. L’uniun beneventescha la decisiun dal cussegl federal da laschar elavurar in messadi da candidatura per mauns dal Parlament federal. (aw/rtr)
