Assassin da dunna anc adina sin fugia
-
- Zoom
- La figlia da la mamma assassinada e da l’assassin saja en in lieu segir, scriva la polizia. Ella vegnia tractada da persunas dal fatg. (Google Maps)
Il delinquent probabel che ha sajetta giu ier sia dunna a la staziun da Schübelbach-Buttikon en il chantun Sviz è anc adina sin la fugia. El saja dentant enconuschent a la polizia.
Dapi l'entschatta onn haja ella arrestà trais giadas l'um pervi da violenza a chasa, infurmescha la polizia chantunala da Sviz. La terza giada saja el vegnì en arrest d'inquisiziun. In giudicat psichiatric haja dentant attestà al delinquent in privel moderà per ses conturn. Sinaquai ha la polizia relaschà l'um ord l'arrest. (sd/sda)
