Approvà cunvegna da taglia cun Svizra
Il cussegl naziunal austriac ha approvà la cunvegna da taglia cun la Svizra. Tenor quella vegnan daners che persunas austriacas han sin contos svizzers e sin ils quals i n'è anc betg vegnì pajà taglias suttamess ad ina taglia pauschala ed unica da 15 fin 38 %.
Suenter èsi da pajar 25 % taglias sin ils tschains. Las persunas pertutgadas han temp da s'annunziar durant 5 mais davent da l'emprim da schaner 2013. Il parlament svizzer ha gia approvà la cunvegna il matg.
(fa/sda)
