Gudogn creschì per bunamain 80%
-
- Zoom
- Tenor valitaziuns d’observaturs dal martgà ha il concern sidcorean profità da la gronda vendita dals telefonins ‘Galaxy’. (Reuters)
La gronda dumonda suenter ils telefonins intelligents, ils uschè numnads smartphones, da Samsung ha purtà in gudogn da record al concern d'electronica sidcorean.
Il gudogn operativ è creschì entaifer in onn per bunamain 80% sin 5,7 milliardas francs, ha communitgà Samsung. Cumpareglià cun l'emprim quartal da quest onn è quai in augment da 15%. Samsung po uschia francar sia posiziun sco numer in avant Apple e Nokia.
Quitads fan al concern la crisa da daivets en l'Europa. L'euro flaivel saja era in problem per Samsung, hai gì num. (sd/sda)
