Danovamain urizis e granella
-
- Zoom
- En la regiun da Napf hai dà 43 liters aua per meter2. Pli tard hai dà urizis cun granella, ferma plievgia ha chaschuna blera aua en parts dal chantun Appenzell-Ausserrhoden. A Trogen hai dà 60 liters aua. (maletg simbolic) (Keystone)
En Svizra hai dà en diversas regiuns danovamain blera plievgia e ferms urizis. Pertutgadas eran tranter auter il chantun Berna, la regiun dal Napf, il chantun Turitg e la Svizra orientala, quai tenor SF Meteo.
En la Turgovia ed en la regiun d'Appenzell e Son Gagl hai dà urizis da granella ed era en il Grischun vegn avertì da granella. La situaziun da l'aura resta instabila. Tenor ils meteorologs maina il vent dal sidvest natiers aria umida e chauda. Quai possia chaschunar ferms urizis.
Ferma plievgia en l'Appenzell
En l'Appenzell ha la ferma plievgia da la notg passada, cun fin 60 liters per meter quadrat, chaschunà donns vid bajetgs e vehichels. Quai tenor la polizia. Blessads n'hai dà nagins. Pertutgà il pli fitg èn las vischnancas da Trogen, Bühler e Gais.
Pervi da la ferma plievgia ed urizis per part vehements resta la situaziun d'aua gronda en Svizra critica. Il decurs dal di vegnan spetgads ulteriurs uradis ed urizis, en spezial en la Svizra centrala ed orientala. (sd/sda)
