Roger Federer en il final
-
- Zoom
- Roger Federer giubilescha suenter sia victoria cunter Djokovic. (Reuters)
Roger Federer ha battì en il mezfinal da Wimbledon ses grond rival, il serb Novak Djokovic en 4 sets cun 6:3, 3:6, 6:4 e 6:3.
Roger Federer ha ina gia dapli demonstrà sia gronda classa e mussà tgi ch’è il retg sin pastg. Federer ha la schanza da triumfar dumengia proxima per la 7avla gia al Grand Slam da Wimbledon.
En il final frunta Federer sin Andy Murray da la Gronda Britannia. Quel ha battì il franzos Jo-Wilfried Tsonga en 4 sets.
Gudogna Roger Federer il turnier da Wimbledon, fiss el a partir da glindesdi il nov numer 1 dal mund.
(aw/fa/rtr)
