Gudogn da passa 1,6 milliuns francs il 2011
-
- Zoom
- Da san.: Markus Hauser, il directur da l'ospital chantunal da Glaruna, Dr. Ulrich Immler, il president da la fundaziun da l'ospital chantunal grischun e Dr. Arnold Bachmann, il directur da l'ospital chantunal grischun. (RTR, M. Candrian)
L'ospital chantunal dal Grischun mira enavos sin in bun onn 2011. Tar ina svieuta da 251 milliuns francs ha l'ospital fatg in gudogn da passa 1,6 milliuns francs.
Sco quai ch'il directur da l'ospital chantunal, Arnold Bachmann, ha ditg a las medias a Cuira, saja quest bun resultat d'attribuir a las mesiras da spargn, che l'ospital haja introducì ed a l'augment da 2,2% dals pazients staziunars.
Betg cuntanschì
En tut haja l'ospital chantunal tgirà prest 17’000 pazientas e pazients l'onn passà. In dumber che na vegni betg cuntanschì quest onn, ha ditg Bachmann. Pervia da la reducziun massiva da pernottaziuns en il Grischun saja era il dumber da cas sa reducì, numnadamain per 7% ils emprims 6 mais da quest onn. (fc/cdp)
