Ina plattafurma che duai gidar quels che fan vacanzas en l'exteriur, saja quai en pajas main segirs u en cas da catastrofas, sco per exempel sch'i dat auas grondas, in terratrembel u in tsunami.

Localisar, gidar, e quietar

Sch’ins sa registrescha tar Itineris e noda cura e nua ch’ins va sin viadi, lura po l’EDA, en cas d’urgenza, d’ina vart localisar ins meglier en la regiun pertutgada e da l’autra vart era avertir dals ristgs ch'i dat u che spetgan ins anc là. Da l'autra vart po il departament federal era quietar ton pli spert la parentella.

EDA trametta sms

L'EDA scriva in sms cun infurmaziuns davart la situaziun, la segirtad e cun recumandaziuns. En cas d'ina catastrofa u da tumults vegnan ins era supplitgads da trametter enavos in sms per dir che tut saja en urden. (gc/fc/rtr)