Attentader da suicidi ha attatgà in bus turistic
-
- Zoom
- Il bus ch'è explodì a Bourgas en la Bulgaria. (Keystone)
L'attatga en la Bulgaria saja vegnì commessa d'in attentader da suicidi. Quai ha communitgà la regenza da la Bulgaria. L'attentader haja gì cun el in pass american sfalsifitgà, sia identitad na saja anc betg sclerida. (sd/sda)
07.41 - 8 turists israelians morts tar attatga sin bus
En la Bulgaria, a la costa da la mar naira, èn mortas almain sis persunas pervia d'ina attatga sin in bus cun turists israelians. Quai ha communitgà il ministeri per fatgs da l'exteriur a Sofia. Dapli che 30 persunas sajan blessadas.
Ils commembers da la gruppa da viadi eran arrivadas curt avant sin la plazza aviatica da Burgas. Suenter ch'ellas èn entradas en il bus è quel explodi ed ars ora. Il prim-minister israelian, Benjamin Netanjahu, suppona che l'Iran è responsabel per l'attatga. (sd/sda)
